14.9.2015 - 15.6.2015 Monday
第一日朝早出發，搭巴士搭到一半去碼頭，突然靈機一觸「船票呢﹖」...然後我地二話不說下落車飛奔番屋企再重新出發。好彩...船票係無限時間既!
幾經辛苦终於到澳門，我們先去酒店 (澳門大倉 OKURA MACAU HOTEL) CHECK-IN 。但係三點先可以入住，只好係附近官也街食小小野先。
天氣太熱，先食個木糠布甸。沙度娜 Serrdura哩間個口感比較似雪榚，係硬身既。 (氹仔舊城區地堡街泉福新村第1期第6座嘉裕閣地下AA舖 )
大利來記咖啡室 Cafe Tai Lei Loi Kei (氹仔舊城區巴波沙總督街18號地下) 好可惜當日休息，係門口影左張相就走左lu~
行多行最後決定食 新好利美食餅店 (氹仔舊城區地堡街13-14號)
葡撻..豬扒包..燕窩蛋撻...食完就仆番酒店...上房換衫....
間房吾錯，廁所超級大!!!!!!!!!
換完衫就落去玩水啦 GALAXY天浪淘園，我地今次都係為左哩個而黎!!
我地去嗰日係星期一，所以人吾多，漂流..滑梯..玩咩都吾洗排隊。
玩左幾個鐘就番上去沖涼，之後出發食晚餐。
我地由酒店shuttle直接去新馬路，之後google map行左25分鐘先行到去.........
叠記咖喱美食 (馬場廣東大馬路南新花園第6座)
行左咁耐好彩都幾好味，好夠辣，個水餃好正!!!!!下次再去一定會去氹仔嗰間食，哩間太遠!
食完就緊係吾會再行咁遠啦，之後就搭巴士出番新馬路。周圍行下影下相，好快9點令鋪頭已經關唒，但因為碗麵太細碗，所以我地決定再搵野食。
恆友 (新馬路大堂巷12C號地下) 其實哩間個車仔餸每次去澳門都必食。
食飽飽買左小小零食番酒店lu~
例牌無印良品浴鹽浸埋個浴，第一日就完啦。
留言列表
