Good Morning Macau~第二日起身敷個mask打扮完就check out啦。
今日主要去「路環」，首先係酒店撘的士去 恩尼斯總統前地。
第一站 - 安德魯餅店 Lord Stow's Bakery (路環市區市中心撻沙街 1 號地下)
一人食一個葡撻醫下肚就繼續行。
周圍都好靚，但真係太曬太熱啦，只係影左小小相 行左陣就走左lu~
行到聖方濟各教堂，右手面有條小巷，行入去小小就會見到
食左雞翼咖哩牛腩麵..芝士豬扒包..個包兩邊包皮都有芝士嫁
整體都吾錯價錢都好實惠..不過好多人要等位同耐小小先上野食。
黎到路環當然吾小得去黑沙海灘行下!
恩尼斯總統前地搭巴士就去到(應該係格格巴士都到)，好簡單好快就到。
去到有小小失望，成 地 垃 圾 !
影左啲相，好彩影出黎都吾差，可以開開心心咁走lu。
行完海灘本來打算直接去食飯，點知俾啲燒烤味吸引住，都係決定坐抵吹吹海風試小小。
肥佬馳名燒烤 (黑沙海灘黑沙海灘路邊檔)
因為仲要去隔離間餐廳食飯，只可以叫小小試下。果然 超 好 味 !
附近其實都無咩野行，食完燒烤就真係行兩步路過隔離..
法蘭度餐廳 Restaurante Fernando (黑沙海灘9號)
入到去一路行「嘩 好靚阿! 嘩 好有feel阿!」我地晏就去，所以吾多人(聽聞夜晚要排隊嫁)。.
每餐相距太短時間，真係食吾落，只係叫左一碟煎蝦..一碟炒蜆..2枝啤酒..兩個人慢慢嘆
發現全間餐廳都係得外國人 真係有置身係葡萄牙既感覺!味道都好好，一定會再黎!
走既時侯我地發現啲巴士所部都可以直接搭出氹仔(最好上車前問一問司機先)，咁就可以吾洗轉車之餘又慳番的士錢。
澳門遊最後一站同第一站一樣 - 官也街
行左大半日都好攰啦，我地去到就入左間cafe坐下。
必達士 Bitter Sweet (氹仔舊城區官也街92號)
連相都無影 (photo from Openrice)
叫左杯飲品同木槺布甸...
我覺得哩間態度麻麻，味道又差，仲要幾貴一啲都吾抵食。
今個行程既最後一餐la~水蟹粥聽就聽得多，兩個吾鍾意食粥既人都覺得好好食，難怪咁出名。
誠昌飯店 (氹仔舊城區官也街28-30號)
蟹粥有分大細size，我地叫左細既都食吾哂，仲可以打包碗番屋企做宵夜!
最後買左小小野食番去做手信就捧住個肚番香港啦，兩日一夜晚話咁快就玩完。
成個澳門遊兩日一夜，我地兩個人大約用左$3800 (酒店+船票+所有洗費) 雖然澳門消費都算高 但其實有兩日假去澳門嘆下都係不錯之選 ^^
澳門小旅行告一段落啦~我會努力整理番沙巴之旅 請期待!
留言列表
